ცხადდება კონკურსი აკადემიური პერსონალის წარმომადგენლებისთვის ორმხრივი თანამშრომლობის ფარგლებში ფრაიბურგის კათოლიკური უნივერსიტეტის საერთაშორისო კვირეულში მონაწილეობისათვის სტიპენდიის მოსაპოვებლად

კონკურსში მონაწილეობა შეუძლიათ თსუ-ს სოციალურ და პოლიტიკურ მეცნიერებათა ფაკულტეტის შემდეგი მიმართულების აკადემიურ პერსონალს: სოციალური მუშაობა

მობილობის პერიოდი: 2025 წლის მაისი ( 19-23 მაისს დაგეგმილ საერთაშორისო კვირეულში მონაწილეობა)

ნომინანტთა შესარჩევი პროცესი:

• სააპლიკაციო დოკუმენტაციის შემოწმება (თბილისის სახელმწიფო უნივერსიტეტი)
• გასაუბრება კანდიდატთა შესარჩევ კომისიასთან (თბილისის სახელმწიფო უნივერსიტეტი)
• საბოლოო შერჩევა (მასპინძელი უნივერსიტეტი)

სააპლიკაციო დოკუმენტაციის ჩამონათვალი:

1. პასპორტის ასლი;
2. ცნობა სამსახურიდან (ინგლისურ ენაზე);
3. წინასწარი მიღების წერილი, გაცემული მიმღები უნივერსიტეტის მიერ;
4. CV ინგლისურ ენაზე;
5. შევსებული სამუშაო გეგმა ინგლისურ ენაზე (დანართი 1)

კონკურსში მონაწილეობით დაინტერესებული რელევანტური მიმართულების აკადემიურმა პერსონალმა სააპლიკაციო დოკუმენტაციის სრული ჩამონათვალი (PDF ფორმატში) უნდა გამოგზავნოს ელ-ფოსტაზე outgoingmobility@tsu.ge მიმდინარე წლის 10 აპრილის 14:59 საათამდე 

კონკურსის მეორე ეტაპი/გასაუბრება ჩატარდება ცოცხალ რეჟიმში მ/წ 11 აპრილს.

გასაუბრების დრო და ადგილი ინდივიდუალურად დაეგზავნება ყველა აპლიკანტს პირად ელ-ფოსტაზე;

კითხვების შემთხვევაში, დაუკავშირდით საგარეო ურთიერთობათა დეპარტამენტს ელ-ფოსტაზე outgoingmobility@tsu.ge